vakratuṇḍa mahākāya sūryakoṭisamaprabha । nirvighnam kuru me deva sarvakāryeṣu sarvadā ॥

gururbrahmā gururviṣṇuḥ gururdevo maheśvaraḥ । guruḥ sākṣāt‌ param brahma tasmai śrī gurave namaḥ॥

karāgre vasate lakṣmīḥ karamadhye sarasvatī । karamūle tu govindaḥ prabhāte karadarśanam ॥

samudravasane devi parvatastanamaṇḍale । viṣṇupatni namastubhyaṃ pādasparśaṃ kṣamasvame ॥

gaṅge ca yamune caiva godāvari sarasvati । narmade sindhu kāveri jale'smin sannidhiṃ kuru ॥

sarasvati namastubhyaṃ varade kāmarūpiṇi । vidyārambhaṃ kariṣyāmi siddhirbhavatu me sadā ॥

oṃ saha nāvavatu । saha nau bhunaktu । saha vīryaṃ karavāvahai । tejasvi nāvadhītamastu । mā vidviṣāvahai ॥ oṃ śāntiḥ śāntiḥ śāntiḥ ॥

brahmārpaṇaṃ brahmahavirbrahmāgnau brahmaṇā hutam । brahmaiva tena gantavyaṃ brahmakarmasamādhinā ॥

ahaṃ vaiśvānaro bhūtvā prāṇināṃ dehamāśrita: । prāṇāpānasamāyukta: pacāmyannaṃ caturvidham ॥

annapūrṇe sadāpūrṇe śaṅkaraprāṇavallabhe । jñānavairāgyasiddhyarthaṃ bhikṣāṃ dehi ca pārvati ॥

śubhaṃ karoti kalyāṇamārogyaṃ dhanasampadaḥ । śatrubuddhivināśāya dīpajyotirnamo'stu te ॥

śrīrāma rāma rāmeti rame rāme manorame । sahasranāma tattulyaṃ rāmanāma varānane ॥

oṃ asato mā sadgamaya । tamaso mā jyotirgamaya । mṛtyormā amṛtaṃ gamaya ॥ oṃ śāntiḥ śāntiḥ śāntiḥ ॥

yāni kāni ca pāpāni janmāntarakṛtāni ca । tāni tāni vinaśyanti pradakṣiṇapade pade ॥

sarve bhavantu sukhinaḥ sarve santu nirāmayāḥ । sarve bhadrāṇi paśyantu mā kaścidduḥkhabhāgbhavet ॥

rāmaṃ skandaṃ hanūmantaṃ vainateyaṃ vṛkodaram । śayane yaḥ smarennityaṃ dussvapnastasya naśyati ॥

vivāde viṣāde pramāde pravāse jale cānale parvate śatrumadhye। araṇye śaraṇye sadā māṃ prapāhi gatistvaṃ gatistvaṃ tvamekā bhavāni॥

gurave sarvalokānāṃ bhiṣaje bhavarogiṇām । nidhaye sarvavidyānāṃ dakṣiṇāmūrtaye namaḥ ॥

śivaṃ śivakaraṃ śāntaṃ śivātmānaṃ śivottamam। śivamārga-praṇetāram praṇato'smi sadāśivam॥

sarvamaṅgalamāṅgalye śive sarvārthasādhike । śaraṇye tryambake gauri nārāyaṇi namo'stu te ॥

yogīśvaro mahāsenaḥ kārtikeyo'gninaṃdanaḥ । skaṃdaḥ kumāraḥ senānīḥ svāmī śaṃkarasaṃbhavaḥ ॥

śāntākāraṃ bhujagaśayanaṃ padmanābhaṃ sureśaṃ viśvādhāraṃ gaganasadṛśaṃ meghavarṇaṃ śubhāṅgam । lakṣmīkāntaṃ kamalanayanaṃ yogibhirdhyānagamyaṃ vande viṣṇuṃ bhavabhayaharaṃ sarvalokaikanātham ॥

padmāsanasthite devi parabrahmasvarūpiṇi । parameśi jaganmātarmahālakṣmi namo'stute ॥

kṛṣṇāya vāsudevāya devakīnandanāya ca। nandagopakumārāya govindāya namo namaḥ ॥

buddhirbalaṃ yaśodhairyaṃ nirbhayatvamarogatā ajāḍyaṃ vākpaṭutvaṃ ca hanumat-smaraṇād-bhavet ॥

namaḥ sūryāya candrāya maṅgalāya budhāya ca । guru-śukra-śanibhyaśca rāhave ketave namaḥ ॥

namastulasi kalyāṇi namo viṣṇupriye śubhe । namo mokṣaprade devi namassampatpradāyike ॥

ratnākarādhautapadāṃ himālaya kirīṭinīm । brahmarājarṣiratnāḍha़yāṃ vande bhāratamātaram ॥

kaśyapo'trirbharadvājaḥ viśvāmitro'tha gautamaḥ । jamadagnirvasiṣṭhaśca saptaite ṛṣayaḥ smṛtāḥ ॥

kāyena vācā manasendriyairvā buddhyātmanā vā prakṛteḥ svabhāvāt । karomi yadyatsakalaṃ parasmai nārāyaṇāyeti samarpayāmi ॥