If there are any errors in the script or the narration, please send a note to contactgurukula@gmail.com

 

 

ಒಂದಾನೊಂದು ಕಾಲದಲ್ಲಿ ಒಂದು ಕಾಗೆಯಿತ್ತು. ಆಗ ಬೇಸಿಗೆಯ ಸಮಯ. ಕಾಗೆಗೆ ಬಾಯಾರಿಕೆಯಾಗಿತ್ತು. ನೀರಿಗಾಗಿ ಹಂಬಲಿಸುತ್ತಿತ್ತು. ಅದು ಸುತ್ತಲೂ  ನೋಡಿತು. ಅಲ್ಲಿ ನೀರು ಇರಲಿಲ್ಲ. ಎಲ್ಲೆಡೆಯೂ ನೋಡಿತು. ನೀರು ಇರಲಿಲ್ಲ. ಅದು ಬಹಳಷ್ಟು ಹುಡುಕಿತು. ಆದರೆ ಎಲ್ಲೂ ನೀರು ಕಾಣಿಸಲಿಲ್ಲ.

 

ಕಾಗೆಯು ಬಹಳ ಕಷ್ಟ ಪಟ್ಟು ಹಾರುತಿತ್ತು. ಬಹಳ ಸಮಯದ ಕಾಲ ಹೀಗೆಯೇ ಹಾರುತಿತ್ತು. ಕೊನೆಗೂ ಕಾಗೆಯು ಒಂದು ಮಡಿಕೆಯನ್ನು ನೋಡಿತು. ಅದಕ್ಕೆ ಸಂತೋಷವಾಯಿತು. ಉತ್ಸಾಹದಿಂದ ಮಡಿಕೆಯತ್ತ ಹೋಯಿತು. ಆದರೆ ಮಡಿಕೆಯಲ್ಲಿ ಸ್ವಲ್ಪವೇ ನೀರು ಇತ್ತು. ಕಾಗೆಗೆ ನೀರನ್ನು ತಲುಪಲು ಸಾಧ್ಯವಾಗಲಿಲ್ಲ.

 

"ಈ ನೀರನ್ನು ಹೇಗೆ ಕುಡಿಯಲಿ" ಎಂದು ಯೋಚಿಸಿತು.

 

ಜಾಣ ಕಾಗೆಗೆ ಒಂದು ಉಪಾಯವು ಹೊಳೆಯಿತು. ಮಡಿಕೆಯ ಬಳಿ ಕಲ್ಲುಗಳು ಇದ್ದವು. ಕಾಗೆಯು ಒಂದು ಕಲ್ಲನ್ನು ತಂದಿತು. ಮಡಿಕೆಯಲ್ಲಿ ಹಾಕಿತು.

ಮತ್ತೊಂದು ಕಲ್ಲನ್ನು ತಂದಿತು. ಮಡಿಕೆಯಲ್ಲಿ ಹಾಕಿತು.

 

ಮತ್ತೆ ಮತ್ತೆ ಹೀಗೆಯೇ ಮಾಡಿತು.

 

ನೀರು ಮೆಲ್ಲನೆ ಮೇಲಕ್ಕೆ ಬಂದಿತು.

 

ಕಾಗೆಯು ಸಂತೋಷದಿಂದ ನೀರನ್ನು ಕುಡಿಯಿತು. ಅಲ್ಲಿಂದ ಹಾರಿ ಹೋಯಿತು.

 

ಅದೊಂದು ಜಾಣ ಕಾಗೆಯಲ್ಲವೇ ?